歴女-CICA~~IGotTheFEVER

黃家駒二樓後座的足跡 2008-06-08
一轉眼，黃家駒已經離開了十五年，他留下的不僅是一首首經典樂曲，還有那種堅持自我、不屈不撓的「家駒精神」。一支木結他、一塊結他Pick、一個二樓後座，勾起了黃家強、黃貫中、葉世榮對這位昔日戰友的種種回憶。

葉世榮重返二樓後座，往昔種種令他無盡唏噓。

「呢度係二樓後座，係我哋夾Band嘅Band房，呢度以前好舊，我哋幾個就將佢翻新，我記得我哋一齊剷起啲木板再鋪過，於是就買啲英泥返嚟，當時唔識點搞，家駒就話用手搓勻啲泥，點知搓完第二日，我哋啲手爛晒，好好笑。除咗夾Band，我哋又會喺呢度玩啲自創遊戲，最記得係單腳企，然後要撞到對方跌低，呢度有好多開心嘅回憶，時間過得好快，望番啲海報，所有嘢都好似尋日發生咁。」

天生領袖 眼光獨到

「家駒嘅世界觀好強，對世界事物好敏感，會將佢嘅睇法透過音樂講出嚟，我記得93年家駒出事之前，佢有一日無端端同我哋講，想出一張自己嘅碟，佢話有啲音樂係佢想表達畀歌迷聽，唔適合Beyond出，我哋聽完都覺得好有道理，點知仲未成事佢就離開咗。我認為如果佢仲喺度，Beyond今日嘅音樂會更精細，更加世界大同。」

黃貫中（Paul）︰「我第一次見到家駒感覺係『嘩，點解呢個人塊面咁油嘅？仲戴住紅色框眼鏡喎


家駒無聲告別十五載 手足暢談趣事不再哀
Beyond海闊天空依然愛
文章來源：太陽報 2008-6-8

「原諒我這一生不羈放縱愛自由，也會怕有一天會跌倒……」
黃家駒，在香港Band界及樂壇舉足輕重，他在15年前高唱《海闊天空》後，突然離我們而去。他的音樂影響深遠，一別15載，今日我們唱K依然會揀他的歌。他的率性、他的敢言、他的仁慈、他的倔強及做人態度，叫我們難以忘記，我們仍然懷念他！

兄弟篇：
家駒的離開，對Beyond成員黃家強、黃貫中及葉世榮的影響十分深遠。跟家駒闊別多年，三子除了懷念之外，也各有感受想藉此機會抒發。

Paul：跟佢用「芝麻Pick」
家駒離開多年後，黃貫中（Paul）仍會想起摯友︰「只要我Band房夾Band，或者聽番以前自己d歌，都會諗起家駒。」當年一曲《大地》令Paul爆出，事前他曾懷疑：「當年家駒叫我唱《大地》，我o既反應係︰『我唔得o架喎！我淨係識彈！』但係佢話首歌o岩我唱，事實證明佢眼光好好！」

Paul今時今日仍沿用「芝麻Pick」彈結他，原來受家駒影響。
原來Paul在彈結他的技巧上也曾受過家駒指點，他掏出一塊小小的結他Pick︰「我以前用好大塊o的Pick彈結他，家駒話︰『大塊會彈得叻o的咩？未試過芝麻Pick點知唔掂？』最後我都跟隨佢，到今日都係用緊呢種芝麻Pick，一世都唔會轉！」

世榮：齊齊用手搓英泥
葉世榮坐在Beyond夾Band的地方「二樓後座」，望一堆Beyond成名前到成名後的演唱會海報，一臉感慨地說︰「睇番o的海報，所有發生過o既事就好似尋日發生咁，眨著眼就咁多年！」原來「二樓後座」是世榮父母留給他的物業，小小的Band房充滿無數昔日Beyond的生活片段︰「當我決定用o黎夾Band後，我o地幾個將佢翻新，一齊剷起o的木板再鋪過，於是就買o左英泥返黎，家駒話就咁用手搓勻o的泥，點知第二日我o地o的手爛晒，真係好好笑！」


世榮將當年Beyond出騷的海報鋪滿地板，百感交集。
91年的非洲之旅也留給世榮不少回憶︰「攝影師水禾田叫我o地4個行入去駱駝群中間影相，點知班駱駝好唔友善咁圍住我o地圍圈，我o地走唔到，然後一班土著出晒o黎用o左刀同矛插著地，翻譯話要畀錢先可以影駱駝！不過家駒一o的都冇驚！」世榮認為如果家駒還在，Beyond今日的音樂會更精細、更加世界大同。

家強：非洲之旅改變大家
接受訪問當日，家強坐在當年哥哥家駒買的擴音機上沉醉往事︰「我一直覺得阿哥仲o係我身邊，我唔覺得佢走o架！呢部擴音機係阿哥88年左右買，呢個牌子係Rock友o的夢想，當年大約賣4、5千蚊，佢好捨得，然後就成日匿o左屋企駁住支結他練習，其實o個陣都覺得幾嘈，哈哈！」

家強倚在家駒的擴音機上抱著結他，懷念離去多年的哥哥。
家強邊說邊拿起結他，原來它背後藏著一個故事︰「支結他係阿哥18歲時第一支用自己錢買結他，後來佢想買過支新結他，我就叫佢畀o左呢支我，點知佢話：『賣畀你啦！』最後佢半價賣o左畀我，諗番都好好笑！91年去完非洲探訪，令我o地改變o左，如果阿哥仲o係度，Beyond會去更多地方，做更多慈善。」